कविता : हेर्ने लाई लाज हुन थाल्यो

६ वर्ष अगाडि

बिहान उठेर धुने मुख दिउँसो तिर धुन थाल्यो,

गीत हो कि कविता हो खै भाँडा बजाई रुन थाल्यो !

कम्मरमा बस्ने पाईन्टले खसेर घुँडा छुन थाल्यो,

यस्तै छ हिजोआज हेर्ने लाई लाज हुन थाल्यो !!

भन्दा सक्कली भने पनि सुनका नक्कली चुरा छन्,

मुखले भन्छन् कठैबरि भित्र रोप्ने छुरा छन् !

काम सिन्को भाँच्ने हैन ठुला ठुला कुरा छन्,

हेर्ने लाई लाज हुन थाल्यो डेटिङ जानेका २,४ वटा भुरा छन् !!

धर्म कर्ममा छैन ईच्छा डिस्को र बारमा धाउँन थाल्याछन्,

ताल सुर फेद टुप्पै नमिल्ने गीत गाउन थाल्याछन् !

लामखुट्टे आउँदा ओढ्ने झुल हिजोआज जिउमै लाउन थाल्याछन् ,

हेर्ने लाई लाज हुन थाल्यो फेसबुकमा नाङ्गो फोटा आउन थाल्याछन् !!

कति राम्रो बन्नु पर्या हो पचास थरि घस्न थाले,

बस्न उठ्नै नमिल्ने गरि लुगा जिउमै कस्न थाले !

लाज सरम हराएछ जोल्ठिएर पो बस्न थाले.

हरे हेर्ने ले कता हेरुन दिऊँसै बुट्टामा पस्न थाले !!

– बद्री ढुंगेल

12642854_181217815573121_6382496309625473049_n

lekh


सम्बन्धित शीर्षकहरु

खुल्ला पोस्ट