खसीको खुट्टाको सुप यसरी बनाउनुहोस्

भदौ २०, २०७४

खसीको सुप नेपाली भान्सामा मन पराइने परिकारमध्ये एक हो । हुन त यो सुप बनाउने तरिका सबैको फरक–फरक हुन सक्छ । तर, मिठो र स्वादिलो बनाएर खाने हो भने यसको पनि पकाउने बेग्लै तरिका छ । आफ्नै घरमा सजिलै बनाउन सकिने यो परिकार बुढाबुढी तथा बिरामीका लागि पनि उपयोगी हुन्छ । भातसँग पनि खान सकिन्छ ।

सामग्री

प्रतिव्यक्ति पिस पारेको एउटा खसीको खुट्टा । थिचेको अदुवा २० ग्राम । थिचेको लसुन ३० ग्राम । थिचेको हरियो खुर्सानी दुई पिस । छाटा मुगी १०० ग्राम । नुन स्वादअनुसार । एक चिम्टी ज्वानो । ठूलो एक चम्चा बटर । पानी एक बाउल ।

बनाउने तरिका
कुकर तातेपछि बटर राख्नुहोस् ।

बटर हल्का तातेपछि ज्वानो पड्काउनुहोस् ।

खसीको खुट्टा राख्नुहोस् । भुट्न नछाड्नुहोस् ।

थिचेर तयार पारेको लसुन, अदुवा र खुर्सानी पनि हाल्नुहोस् र भुट्नुहोस् ।

तत्कालै मुगीको दाल पनि राखेर सँगै भुट्नुहोस् ।


दुई–तीन मिनेट भुटेपछि एक बाउल पानी राख्नुहोस् ।

स्वादअनुसार नुन राखिदिनुहोस् । यसमा अन्य मसला जाँदैन ।

अब कुकरको बिर्को बन्द गरेर तीन–चार सिट्ठी लगाइदिनुहोस् ।

आगो बन्द गरेपछि एकछिनसम्म रहन दिनुहोस् ।

अब कुकरबाट निकालेर खसीको खुट्टाको सुप खानका लागि तयार भयो ।


सम्बन्धित शीर्षकहरु

खुल्ला पोस्ट

काठमाडौं : वरिष्ठ गायक राम कुमार साय्‌मिको जित:योम्ह मय्‌जुको मिखा छं ल्वाका नामक नेपालभाषाको गीतको आज

समाज सेविलाई सम्मान :

पुर्व उपप्रधानमन्त्री तथा गृह मन्त्री बामदेव गाैतम र पुर्ब उपराष्ट्रपति परमानन्द झा द्वारा सम्मान तथा मायाको