कटारी नगरपालिकाको बजेट ६९ करोड १० लाख ५० हजार ९ सय २५ रुपैँया

५ वर्ष अगाडि

कटारी नगरपालिकाको प्रथम नगर सभाले ६९ करोड १० लाख ५० हजार ९ सय २५ रुपैँयाको बजेट प्रस्तुत गरेको छ । मंलवार प्रथम सभामा कटारी नगरपालिकाका नगर प्रमुख ज्ञानेन्द्र श्रेष्ठले आ.व. २०७४÷७५ का लागि उक्त रकम प्रस्तुत गर्नुभएको छ । 
वहाँले आन्तरिक श्रोतबाट २ करोड २२ लाख ८१ हजार ५६१ रुपैँया २१ पैसा र बाह्य स्रोतबाट ६६ करोड ८७ लाख ६९ हजार ३६३ रुपौँया ८५ पैसा गरी ६९ करोड १० लाख ५० हजार ९ सय २५ रुपैँया ६ पैसा प्रस्तुत गर्नुभएको छ । श्रेष्ठले उक्त रकम चालु तर्फ ३४ करोड ४५ लाख ५२ हजार ८१६ रुपैँया र पूजीँगत तर्फ ३४ करोड  ६४ लाख ९८ हजार १०९ रुपैँया ०६ पैसा खर्च गर्न सकिने बताउनुभयो ।
सभामा श्रेष्ठले कटारी–वेतीनी केवलकारको सभ्भाव्यता यसै वर्ष देखि गरिने र कटारी  टाउन प्लालिङ्गलाई सडक नाला सहित कालो पत्रे गर्ने कार्यलाई निरन्तरत ागर्ने नीति अवलम्वन गरिने वक्तव्यमा पस्तुत गर्नु भएको छ । कटारीमा रहेको २ वटा बसपार्कको स्तर उन्नती गरि संचालन व्याउने र कटारी बजार क्षेत्रमा सि.सि.क्यामेरा जडान गर्ने कार्यलाई अगाडी बढाउने  वक्तव्यमा उल्लेख गरिएको छ ।

नगर प्रमुख श्रेष्ठले सार्वजनिक निकायलाई जनता प्रती उतरदायी र जवाफदेही बनाउन संचार क्षेत्रले महत्वपूर्ण भुमिका खेल्ने भन्ने पत्रकारिता क्षेत्रको संस्थागत विकास गर्ने जानकारी दिनुभयो । कार्यक्रमा पूर्वाधार तथा संरचना विकास,जनसंख्या तथा सामाजिक विकास,कृषि वन तथा वातावरण,जलस्रोत तथा भुमिक्षेत्र ,सार्वजनिक सेवा तथा क्षमाता विकासको क्षेत्रमा बजेत विनियोजन गरेको छ । साथै एकिकृत सम्पती कर र व्यवसाय दर्तालाई अनिर्वा गराउने लक्ष्य लिएको छ ।

कटारी नगरपालिका आसपासका ७ तत्कालिन सिरिसे,रिस्कू,हर्देनी,लिम्पाटार,सोरुङ्ग छविसे,मयँखु,र लेखानी गरी नगरपालिका घोषणा भएको हो । कार्यक्रममा संसद भिष कुमारी राउत,जिल्ला समन्वय समितिको संयोजक खड्ग परियार लगायत सरकारी,गैरसरकारी,राजनैतिक दल लगायत पत्रकार सहितको उपश्थिती रहेको थियो ।

---

सम्बन्धित शीर्षकहरु