अस्तित्वको खोजी गर्दै नाटक “जिउँदो आकाश” सर्वनाममा मञ्चन

४ वर्ष अगाडि

गत साउनमा अत्यन्त सफलता पूर्वक मञ्चन भएको जिउँदो आकाश नाटक पुनः सर्वनाम थिएटरमा मञ्चन हुने भएको छ । तेस्रो लिङ्गीको विषयमा तयार पारिएको यो नाटकलाई दर्शकले अत्यन्त मन पराएका थिए । साउन १३ देखि २१ सम्म मञ्चित उक्त नाटक थप मञ्चन गर्ने माग हुँदाहुँदै पनि समयतालिका नमिलेको कारण रोक्नु परेको नाटककार चन्द्रप्रसाद पाण्डेयले बताए ।

28276253_1704497946274587_423286024857869269_n
त्यस्तै भारतको प्रसिद्ध एन.ए.एस.डी (National school of drama) को अन्तर्राष्ट्रिय नाटक महोत्सवमा नेपालको प्रतिनिधित्व गर्दै जिउँदो आकाश छनोटमा परेकोमा उत्साहित भएको भन्दै नेपाली दर्शकहरुको लागि एक साताको लागि नाटक मञ्चन गर्न लागेको निर्देशक आर.के.मेहता रोशनले बताए । त्यस्तै कलाकार अनिल सुब्बाले दर्शकको अत्यन्तै राम्रो प्रतिक्रिया पाउँदा पाउँदै पनि रोकिएको नाटक पुनः मञ्चन हुने कुराले आफू उत्साही भएको सुनाए । यो नाटक सर्वनाममा फागुन ११ देखि १९ सम्म मञ्चन गरी भारतको गुहाटीमा २८ र दिल्लीमा ३० गते देखाइनेछ ।


सम्बन्धित शीर्षकहरु

खुल्ला पोस्ट