बिराज भट्टाको अभिनय रहेको चलचित्र जय परशुरामको प्रदर्शन रोक्न अदालतले आदेश दिएको छ । पुनरावेदन अदालत पाटनले तत्कालका लागि फिल्म प्रर्दशन नगर्न निर्माण पक्षको नाममा अन्तरिम आदेश जारी गरेको हो । निर्माण पक्षले आउदो शुक्रवार फिल्म प्रदर्शनको तयारी गरेको छ ।
‘रेदाअंश फिल्मस् सिने आर्ट’को ब्यानरमा निर्माण भएको ‘जय परशुराम’ माथिको प्रतिलिपि अधिकार दाबी सहित ‘ब्लाक चिल्ली आर्ट फिल्मस’ले दायर गरेको मुद्दाको मंगलबार फैसला गर्दै अदालतले प्रर्दशनमा रोक लगाएको हो ।
‘ब्लाक चिल्ली आर्ट फिल्मसले रोज राणाको ‘रेदाअंश फिल्मस् सिने आर्ट’ र चलचित्र विकास बोर्डलाई विपक्षी बनाएर मुद्दा हालेको थियो । न्यायधिस जीवनहरि अधिकारीको एकल इजलासले परशुराम नाम गरेका कुनै पनि फिल्म प्रदर्शन, प्रचार नगर्न अन्तरिम आदेश दिएको हो ।
‘ब्लाक चिल्ली आर्ट फिल्मस’ले तीन बर्षअघि चलचित्र विकास बोर्डबाट ‘परशुराम’ नामक फिल्म निर्माणको अनुमती लिएको थियो । तर, बिकास बोर्डले चलचित्र निर्माण तथा प्रचार-प्रसार सम्बन्धी नियम विपरित रोज राणाले बनाएको ‘जय परशुराम’लाई अनुमती दिएको थियो ।
कुनै फिल्मको नाम अघि नयाँ शब्द थपेर त्यही नाममा फिल्म बनाउँन नपाइने नियम छ । तर, राणाले ‘परशुराम’ माथि जय थपेर ‘जय परशुराम’ बनाएका छन् ।
अदालतले तत्कालका लागि प्रर्दशन रोकेर दुबै पक्षलाई थप बहसको लागि मंसिर १ गते बोलाएको छ । यदि जबजस्ती प्रर्दशन गरिए अदालतको फैसला अनुसार कानुनी बाटो रोजिने कार्यकारी निर्माता सबिन पि्रयासन चौधरीले बताएका छन् ।
पुनरावेदन अदालतको फैसलाको पूर्णपाठ
नेपालको खस्कंदो राजनितिक अवस्था, राजनितिक दलहरुको मनपरि निर्णय, भ्रष्टाचारमा लिप्त सरकारका बिभिन्न पदाधिकारीहरु, कीं कर्तब्य बिमुढको
दुई टिपर सडकदेखि तल खस्दा एक जनाको मृत्यु भएको छ । दुर्घटनामा चार जना घाईते भएका
नियतिको खेल भनौ या बिधिको बिडम्बना सन २०१५ को चर्चित मोडेल तथा डान्सर निशा घिमिरे जसको
