ब्राइट एन्जल्सले जित्यो मोटिभेट तिज गित नृत्य प्रतियोगिताको ट्रफी

६ वर्ष अगाडि

काठमाडौं : ब्राइट एन्जल्स बोडिङ स्कूल थानकोटले प्रथम मोटिभेट तिज गित नृत्य प्रतियोगिता २०७३ को ट्रफि आफ्नो पोल्टामा पारेको छ । मोटिभेट न्यूज डटकमले बुधबार आयोजना गरेको उक्त प्रतियोगितामा १८ स्कूललाई पछि पार्दै ट्रफि आफ्नो पोल्टामा पार्न सफल भएको हो ।

१९ स्कूल सहभागी नृत्य प्रतियोगितामा जोरपाटीको भेनस पव्लिक स्कूलले द्धितिय स्थान हासिल गर्दा धापासीको ओडिसी इन्टरनेशनल स्कूलले तृतिय स्थानमा चित्त बुझाएको छ । उक्त प्रतियोगितामा लोयल्टी एकेडेमी मण्डिखाटारले सान्त्वना स्थान ल्याएको थियो ।

प्रतियोगितामा प्रथम हुनेले दश हजार नगत सहित ट्रफि, मेडल र प्रमाण पत्र हात पारेको छ भने द्धितिय हुनेले छ हजार नगत सहित ट्रफि, मेडल र प्रमाण पत्र आफ्नो पोल्टामा पारेको छ ।

त्यस्तै तृतिय हुनेले तिन हजार नगत सहित ट्रफि, मेडल र प्रमाण पाउँदा सान्त्वनाले नगद रु दुई हजार र प्रमाण पत्रमा चित्त पुझाएको छ ।

उक्त प्रतियोगितामा तिन जना प्रेणदायी महिलाहरुलाई सम्मानीत पनि गरिएको थियो । सम्मानीत हुनेमा पुर्व राज्य मन्त्री, साहित्यकार, चित्रकार सुश्री भद्रकुमारी घले ‘मोटिभेट युगतारा सम्मान २०७३’, गायिका गायत्री थापा ‘मोटिभेट सवल नारि सम्मान २०७३’ र मोमिसा अधिकारी रहेका छन् ।

उक्त कार्यक्रमको उद्घाटन नेकपा एमालेका सचिव प्रदिप ज्ञवालीले गरेका थिए ।