नगरपालिकाको गाडी लिएर नगर प्रमुख तीर्थाटनमा

३ वर्ष अगाडि

काठमाडौं- नगरपालिकाको स्वामित्वमा रहेको ना १ झ १६६२ नम्बरको सरकारी गाडी लिएर मेयर विजयी यादब आइतबार भारतको बाबाधामतर्फ निस्किएका छन्।

गत स्थानीय तह चुनावमा नेपाली कांग्रेसबाट विजयी यादवले आफूसँगै केही कार्यकर्तालाई समेत लिएर गएका छन् । उनको साथमा परिवारका सदस्य भने नभएको बताइएको छ ।

कार्यालयको कामबाहेकमा सरकारी सवारी प्रयोग गर्न नपाइने नियम  भए पनि महागढीमाई नगरपालिकाका नगर प्रमुख उपेन्द्रप्रसाद यादव नगरपालिकाको गाडी लिएर हिडेका छन । मेयर, उपमेयर र प्रमुख प्रशासकीय अधिकृतलाई मात्र सवारी सुविधा उपलब्ध गराउँदै आइरहेको महागढीमाई नगरपालिका स्वयंले पनि निजी काममा नगरपालिकाको सवारी प्रयोग गर्न नपाइने  नियम लागु गरेको छ ।

पारदर्शिता, सुशासन र सदाचार कायम गर्नुपर्ने नगरपालिकाका मुख्य अगुवा मेयर आफैं निजी प्रयोजनका लागि नगरपालिकाको गाडी लिएर भारतको बाबाधाम लागेका छन् । उनी बोलबमका लागि भन्दै त्यसतर्फ लागेका हुन् । नेपालमा साउनभर बोलबमको रौनक चल्ने भए पनि बाबाधाममा भदौको अन्तिमसम्म हुन्छ ।

विजय यादव नामका एक फेसबुक प्रयोगकर्ताले पनि आफ्नो फेसबुक पेजमा गाडी दुरुपयोगको तस्वीर र भिडियो पोस्ट गरेका छन् । जसमा प्रतिक्रिया जनाउने अधिकांशले मेयरको रवैयाबारे आलोचना गरेका छन् ।

 


सम्बन्धित शीर्षकहरु

खुल्ला पोस्ट