नेपाली सेनाको अजितप्रसाद सिहँ प्रकरणमा थप एक जना पक्राउ

भदौ १२, २०७६

काठमाडौं – ब्राउन सुगर ओसारपोसार अभियोगमा  झापाको दमककी २६ वर्षीया प्रिया राई पक्राउ परेकी छिन ।  इलाका प्रहरी कार्यालय इटहरीले उनलाई चार दिनअघि पक्राउ गरेर अनुसन्धान थालेको हो।

 डीएसपी धर्मराज भण्डारी भन्छन्  । अनुसन्धानका सिलसिलमा राईको पनि संलग्नता देखिएपछि पक्राउ गरिएको हो ।

भण्डारीले अनलाइनखबरलाई बताएअनुसार राईलाई अनुसन्धानका लागि जिल्ला अदालत, सुनसरीले ७ दिनका लागि अनुमति दिएको छ । अनुसन्धान अधिकृतका अनुसार सिंहले राईबाट ब्राउन सुगर खरिद गर्ने गरेको बताएपछि उनलाई पक्राउ गरिएको हो ।

स्रोतका अनुसार इटहरीको हलगढामा रहेको सेनाको पूर्वी पृतनामा कार्यरत् सेनानी सिंह ब्राउन सुगर लिन आफैं दमकसम्म पुग्ने गरेका थिए । कहिले मोटरसाइकल त कहिले सार्वजनिक यातायात चढेर लिन जाने गरेको देखिएको छ । अनुसन्धान अधिकृत भन्छन्  दमकले राईले उनलाई आवश्यकता अनुसार ब्राउन सुगर दिने गरेकी थिइन् ।

अधिकृतका अनुसार मेजर सिंह आफैं लागूऔषध प्रयोगकर्ता समेत हुन् । उनले आवश्यकता अनुसार प्रयोगकर्तालाई पनि विक्री गर्ने गरेका प्रहरी अधिकृत बताउँछन् ।

राईले भने पूर्वी नाका झापाको काँकरभिट्टा हुँदै भारतबाट लागूऔषध भित्र्याउने गरेको अनुसन्धानबाट खुलेको छ । एक भारतीय नागरिकले उनलाई ब्राउन सुगर दिने गरेको देखिएको छ । प्रहरी भन्छ हामीले घटनामा अरुको पनि कनेक्सन छ कि भनेर केलाइरहेका छौं ।

प्रहरीले मेजर सिंहलाई २५ साउनमा ब्राउन सुगरका ४ वटा पोकासहित पक्राउ गरेको थियो । प्रहरीले उनीविरुद्ध लागूऔषध ऐनअनुसार अनुसन्धानका लागि पहिलो पटक ५ दिन म्याद थपेको थियो । त्यसपछि १० दिन हिरासतमा राख्न अदालतले अनुमति दिएको थियो, भने पछिल्लो पटक थपिएको ७ दिनको म्याद शनिबारबाट सकिँदैछ । लागूऔषध सम्बन्धी मुद्दामा प्रहरीले अदालतको अनुमतिमा ९० दिनसम्म अभियुक्तलाई हिरासतमा राखेर अनुसन्धान गर्न सक्ने व्यवस्था छ ।

सामान्य मुद्दामा सैनिक अधिकृतविरुद्ध सैनिक प्रहरीले अनुसन्धान गर्छ । तर लागूऔषधसम्बन्धी कसूर भएकाले सामान्य नागरिक सरह नियमित अदालतबाट मेजर सिंहको कसूरको फैसला हुनेछ ।

---

सम्बन्धित शीर्षकहरु