सानिमा बैंकले १५ प्रतिशत बोनस सेयर दिने घोषणा

भदौ २२, २०७३

काठमाडौं : सानिमा बैंकले गत आर्थिक वर्षको नाफाबाट सेयरधनीलाई १५ प्रतिशत बोनस सेयर दिने घोषणा गरेको छ ।

 sanima-bankबुधबार बिहान बसेको बैंकको सञ्चालक समितिको बैठकले १५ प्रतिशत बोनस सेयर र त्यसमा लाग्ने करका लागि थप ०.७९ प्रतिशत नगद लाभांस दिने निर्णय गरेको हो ।

गत वर्ष बैंकले १ अर्ब ४ करोड ९५ लाख रुपैयाँ खुद नाफा कमाएको थियो । त्यही नाफाबाट सेयरधनीलाई बोनस सेयर दिएको हो । बैंकको प्रतिसेयर आम्दानी २६ रुपैयाँ छ ।

अघिल्लो वर्षको नाफाबाट भने बैंकले गत वर्ष २० प्रतिशत बोनस सेयर दिएको थियो ।

हाल बैंकको चुक्ता पुँजी ४ अर्ब ५९ करोड छ । बोनस सेयर वितरण गरेपछि बैंकको चुक्ता पुँजी ५ अर्ब २८ करोड रुपैयाँ हुनेछ । राष्ट्र बैंकले स्वीकृति गरेपछि र बैंकको आगामी साधारणसभाले अनुमोदन गरेपछि मात्रै बोनस सेयर वितरण हुनेछ ।

राष्ट्र बैंकले यसअघि नै चालू आर्थिक वर्षभित्रै वाणिज्य बैंकहरुको न्यूनतम चुक्ता पुँजी ८ अर्ब रुपैयाँ हुनुपर्ने घोषणा गरिसकेको छ ।

जसअनुसार यो बैंकले अझैपनि राष्ट्र बैंकले तोकेको चुक्ता पुँजी पुर्‍याउन २ अर्ब ८२ करोड रुपैयाँ अपुग छ । त्यसका लागि बैंकसँग थप हकप्रद सेयर जारी गर्ने र मर्जरमा जाने दुई विकल्प छन् ।

lekh


सम्बन्धित शीर्षकहरु

खुल्ला पोस्ट

समाज सेविलाई सम्मान :

पुर्व उपप्रधानमन्त्री तथा गृह मन्त्री बामदेव गाैतम र पुर्ब उपराष्ट्रपति परमानन्द झा द्वारा सम्मान तथा मायाको

एउटा नयाँ अभियान, जसले देशको अखण्डता र स्वाभिमा बचाउन सक्छ …….”Call to Government of India”

नेपालको खस्कंदो राजनितिक अवस्था, राजनितिक दलहरुको मनपरि निर्णय, भ्रष्टाचारमा लिप्त सरकारका बिभिन्न पदाधिकारीहरु, कीं कर्तब्य बिमुढको