शालिकराम आत्मह*त्या प्रकरण: रवि लामिछानेको सुनुवाई २६ गते

भदौ २४, २०७६

काठमाडौँ- उच्च अदालत पाटन हेटौंडा इजलासले पत्रकार शालिकराम पुडासैनीको आत्महत्या प्रकरणमा धरौटीमा रिहा भएका कार्यक्रम प्रस्तोता रवि लामिछानेसहितको विषयमा भदौ २६ गते सुनुवाई हुुने जनाएको छ ।

पत्रकार शालिकराम पुडासैनीको आत्महत्या प्रकरणमा चितवन जिल्ला अदालतबाट धरौटीमा रिहा भएका लामिछने, पत्रकार युवराज कँडेल र अस्मिता भन्ने रुकु कार्कीलाई पुर्पक्षका लागि थुनामा राख्न माग गर्दे सरकारी वकिलको कार्यालयले सोमबार उच्च अदालतमा रिट दायर गरेको थियो ।

उक्त रिट माथि मंगलबार भएको सुनुवाइमा न्यायाधीश टेकराज नेपालको एकल इजलासले रविसमेतको निवेदन, सरकारी वकिल कार्यालयको निवेदन र चितवन जिल्ला अदालतले पठाएको प्रतिवेन साथ राखी पेश गर्न आदेश दिएको प्रवक्ता अमृत घिमिरेले जानकारी दिए । यो विषयमा भदौ २६ गते सुनुवाई हुने उनले बताए । यसअघि लामिछाने र कँडेलले चितवन जिल्ला अदालतले दिएको आदेश बदरको माग गर्दै उच्च अदालत पाटनको हेटौंडा इजलासमा निवेदन दिएका थिए ।

पत्रकार शालिकराम पुडासैनीको आत्महत्याको लागि दुरुत्साहन गरेको अभियोगमा जिल्ला अदालतले लामिछानेलाई ५ लाख र कँडेललाई ३ लाख रुपैयाँ धरौटीमा छाड्न आदेश दिएको थियो । अदालतको उक्त आदेश बेरीतको रहेको भन्दै बदरको माग लिएर लामिछाने र कँडेल उच्च अदालत पाटनको हेटौंडा इजलास पुगेका थिए । लामिछाने र कँडेलको निवेदनमा भएको सुनुवाइमा जिल्ला अदालत चितवनसँग भएको मुद्दासँग सम्वन्धित सक्कल मिसिल कागजात मगाउन उच्च अदालत पाटन हेटौंडा इजलासले भदौ १८ गते निर्देशन दिएको थियो ।

उच्च अदालत पाटन हेटौंडा इजलासका न्यायाधीश टेकराज नेपालकै एकल इजलासले चितवन जिल्ला अदालतबाट सम्पूर्ण विवरण खुलाई आदेशसँग सम्वन्धित सक्कल मिसिल कागजात समेत साथै राखी प्रतिवेदन माग्नु भन्ने आदेश दिएका थिए । चितवन जिल्ला अदालतबाट सबै कागजात र प्रतिवेदन आइसकेको प्रवक्ता घिमिरेले जानकारी दिए ।

https://www.youtube.com/watch?v=albH37eyUcw&t=2s

सम्बन्धित शीर्षकहरु

खुल्ला पोस्ट

समाज सेविलाई सम्मान :

पुर्व उपप्रधानमन्त्री तथा गृह मन्त्री बामदेव गाैतम र पुर्ब उपराष्ट्रपति परमानन्द झा द्वारा सम्मान तथा मायाको

एउटा नयाँ अभियान, जसले देशको अखण्डता र स्वाभिमा बचाउन सक्छ …….”Call to Government of India”

नेपालको खस्कंदो राजनितिक अवस्था, राजनितिक दलहरुको मनपरि निर्णय, भ्रष्टाचारमा लिप्त सरकारका बिभिन्न पदाधिकारीहरु, कीं कर्तब्य बिमुढको