एक प्रहरीले तीन जना दिदीबहिनीलाई प्रहरी हिरासतमै कुटपिट

३ वर्ष अगाडि

नयाँ दिल्ली- प्रहरीले महिलामाथि यौन शोषण गरेको घटना सार्वजनिक भएको छ । भारतको असममा एक प्रहरीले तीन जना दिदीबहिनीसँग प्रहरी हिरासतमै कुटपिट गर्ने तथा उनीहरुमाथि यौन शोषण गर्ने गरेको खुलासा भएको हो । जानकारी अनुसार ती प्रहरीले महिलाको कपडा फुकालेर कस्टडीमै कुटपिट गरेका थिए ।

यो असमस्थित दारंग जिल्लाको घटना हो । एक महिलालाई बन्धक बनाएको आरोपमा प्रहरीले तीन जना दिदीबहिनीलाई पक्राउ गरेको हो । असमका डिजिपी कुलधर सैकियाका अनुसार थानाका सब इन्सपेक्टर महेन्द्र शर्मा र एक महिला कर्मचारी बिनिता बोरोलाई सस्पेन्ड गरिएको छ । गत १० सेप्टेम्बरमा तीन दिदीबहिनीमध्ये एक बहिनीका अनुसार, प्रहरीले आफूहरुलाई नाङ्गो बनाएर यौन शोषण गरेको उल्लेख गरेकी हुन् ।

तीन बहिनी २८, ३० र १८ बर्षका हुन् । ९ सेप्टेम्बर मध्यरातमा प्रहरीले उनीहरुको घरबाट तीन दिदीबहिनीलाई पक्राउ गरेको थियो । ती तीन दिदीबहिनीका भाइले एक हिन्दु महिलालाई बन्धक बनाएको आरोप लागेको थियो ।

प्रहरी उनीहरुको भाइ पक्राउ गर्न आएको थियो । ती दिदीबहिनीले भाइ केही दिनदेखि घरमा नभएको र सम्पर्कमा पनि नरहेको प्रहरीसमक्ष बताएका थिए । तर प्रहरीले दिदीबहिनीलाई नै पक्राउ गरेर लगेको थियो ।


सम्बन्धित शीर्षकहरु

खुल्ला पोस्ट