म्याग्दीमा जिप दुर्घटना हुँदा दुईको घटनास्थलमै ज्यान गयो

३ वर्ष अगाडि

म्याग्दी- पश्चिम म्याग्दीको मालिका गाउँपालिका–२ रुममा भएको जिप दुर्घटनमा दुईको घटनास्थलमै ज्यान गएको छ । दरबाङ बजारबाट रुम गाँउतर्फ जाँदै गरेको ध१ज ५९५ नम्बरको जिप रुमको बिलबाङ गाउँ नजिक दुर्घटना हुँदा चन्द्रबहादुर पुन र सक बहादुर विकको घटनास्थलमै ज्यान गएको हो ।

जिप पल्टिँदा उछिट्टिएर भीरबाट खस्दा पुन र विकको घटनास्थलमै ज्यान गएको मालिका गाउँपालिका वडा नं ६ दरबाङका अध्यक्ष सन्तनाथ सुबेदीले बताए । उनका अनुसार घटनास्थलमै दुईजना भने भीरमा अढ्किएर बच्न सफल भएका छन् ।

जिपभित्र सवार अन्य यात्रुसमेत सुरक्षित रहेका बताइएको छ । समान्य घाइतेलाई थप उपचारका लागि प्राथमिक स्वास्थ्य केन्द्र दरबाङमा पठाएएको छ ।

इलाका प्रहरी कार्यालय दरबाङका प्रहरी निरीक्षक रामप्रसाद पाण्डेको नेतृत्वमा प्रहरीको टोली तथा बेनीबाट प्रहरीको एलआरपी र सशस्त्र प्रहरी समेत घटनास्थलतर्फ गएको प्रहरी निरीक्षक ध्रुबप्रसाद शर्माले बताए ।


सम्बन्धित शीर्षकहरु

खुल्ला पोस्ट