म्याक्डोनल्ड्सका प्रमुख स्टीभ इस्टरब्रुकलाई कम्पनीले गर्याे बर्खास्त

३ वर्ष अगाडि

 काठमाडौँ- अमेरिकाको विश्व चर्चित फास्ट फुड कम्पनी म्याक्डोनल्ड्सका प्रमुख कार्यकारी अधिकृत स्टीभ इस्टरब्रुकलाई कम्पनीले बर्खास्त गरेको छ।

कम्पनीको कर्मचारीसँग ‘डेटिङ’ गएपछि इस्टरब्रुकलाई पदबाट हटाइएको साथै उनले जागिर नै गुमाएको बीबीसीले जनाएको छ। अमेरिकाको प्रसिद्ध फास्ट फुड कम्पनी म्याक्डोनल्ड्सको विश्वभर सञ्जाल छ।

सिइओ इस्टरब्रुक र महिला कर्मचारीबीचको सम्बन्ध सहमतिमा आधारित भए पनि इस्टरब्रुकले कम्पनीको नीति उल्लङ्घन गरेको र कमजोर निर्णय क्षमता देखाएको कम्पनीले ठहर गरेको छ।

कम्पनीले जागिरबाट हटाएसँगै इस्टरब्रुकले ती महिला कर्मचारीसँग आफ्नो प्रेमसम्बन्ध रहेको स्वीकार्दै आफूले गल्ती गरेको बताएका छन्।

उनले कम्पनीको मूल्यमान्यतालाई ध्यानमा राख्दै आफूले जागिर छाड्ने प्रतिक्रिया जनाएका छन्।


सम्बन्धित शीर्षकहरु

खुल्ला पोस्ट