दैलेखमा पेट्रोलियम अन्वेषणसँगै खुल्यो रोजगारी

चक्र प्रसाद पोख्रेल कार्तिक २०, २०७६


दैलेख : लामो समयदेखी दैलेखको श्रीस्थान ,नाभिस्थान ,पादुका लगायत क्षेत्रमा अनवरत रुपमा बलिरहेको ज्वाला अर्थात पेट्रोलियम पदार्थलाई चिनियाँ प्राविधिक टोलीले अन्वेषणको काम सुरु गरेको छ । अन्वेषणको काम सुरु भए लगतै स्थानीय स्तरमा रोजगारी खुलेको छ ।दैलेखको डुँगेश्वर गाउँपालिका वडा १ को चुप्रामा अन्वेषण र उत्खननको समय अवधिभर बस्नका लागि सर्भे बेस क्याम्प निर्माण पश्चात् विभिन्न ९ पदका लागि कर्मचारी माग गरेको छ ।

अन्वेषणका लागि कामदार ५० जना, ड्रिलर १० जना, सुटर पाँच जना, ट्राबल सुटर पाँच जना, जिपिएस अप्रेटर पाँच जना, सर्भेयर ६ जना, ड्रिलिङ फोरम्यान एकजना र लाइन फोरम्यान एकजना गरी ८३ जना कर्मचारी माग गरेको हो ।नेपाल सरकार र चीन सरकारबीच भएको सम्झौता अनुसार दैलेखको पेट्रोलियम पदार्थको अन्वेषणको पहिलो कार्य साइस्मिक कार्य गर्न ८३ जना कर्मचारी मागका लागि काठमाडौंमा रहेको त्रिबेणी ओभरसिज प्रालिले अनुमति पाएको छ ।प्रालिका म्यानेजर सूर्यमणि लामिछानेका अनुसार चिनियाँ प्राविधिक टोलीले अन्वेषणका लागि कर्मचारी माग भए अनुसार सूचना स्थानीय पत्रिकामा प्रकाशन गरिएको बताए । उनले कामदार र अन्य विभिन्न प्राविधिक पदहरुका लागि दर्खास्त आइरहेकाले चाँडै सबै पदका कर्मचारीको टुँगो लगाउने जानकारी दिए ।खानी तथा भूर्गभ विभागका भूर्गभविद दिनेश त्रिपाठीका अनुसार प्राविधिक टोलीले साइस्मिक सर्भे जिओलोजिकल सर्भे र म्यागनेट सर्भे लगायतका कामहरुका लागि चिनियाँको प्राविधिक टोलीले कर्मचारी मागेको बताए ।

अहिले रोजगारी सिर्र्जना भएको र अन्वेषण पश्चात् पेट्रोलियम पदार्थको परिणाम थाहा पाएपछि जिल्लाका धेरै नागरिकहरुले रोजगारी पाउने उहाँको दाबी छ । उहाँले स्थानीयलाई रोजगारी सिर्जना भएसँगै दैलेखका नागरिकहरुमा उत्साह थपिएको बताए । पेट्रोलियम पदार्थको अन्वेषण र उत्खनन्का लागि स्थानीय सरकार र जनता दुबै उत्साहित भएका कारण प्राविधिक टोलीलाई समेत सहजता भएको उनले बताए ।
दैलेखमा अन्वेषणको काम सुरु भएसँगै जिल्लामा चहलपहल बढेको छ । मुलुक संघीयतामा गए पश्चात् सुनसान भएको दैलेख सदरमुकाममा चहलपहल बढेको छ । दैलेखको नारायण नगरपालिका वडा ६ मा चिनियाँ जिओलोजिकल सर्भेको कार्यालय स्थापना भएपछि अहिले जिल्लाको माहोल नै फरक भएको छ ।प्राविधिक टोलीलाई विभिन्न स्थानमा अन्वेषणका गर्न लानको लागि दैनिक दशवटा गाडी ओहोरदोहोर गरेपछि चहलपहल बढेको छ ।


सम्बन्धित शीर्षकहरु

खुल्ला पोस्ट

एउटा नयाँ अभियान, जसले देशको अखण्डता र स्वाभिमा बचाउन सक्छ …….”Call to Government of India”

नेपालको खस्कंदो राजनितिक अवस्था, राजनितिक दलहरुको मनपरि निर्णय, भ्रष्टाचारमा लिप्त सरकारका बिभिन्न पदाधिकारीहरु, कीं कर्तब्य बिमुढको