१३ औँ दक्षिण एसियाली खेलकुद-सागका लागि नेपाली फुटबल टोलीको घोषणा

३ वर्ष अगाडि

काठमाडौँ- आसन्न १३ औँ दक्षिण एसियाली खेलकुद-सागका लागि नेपाली फुटबल टोलीको घोषणा गरिएको छ। प्रशिक्षक बालगोपाल महर्जनले यू-२३ राष्ट्रिय टोलीको घोषणा गरेका हुन्।

टोलीमा गोलरक्षकतर्फ विकेश कुथु, अर्पन कार्की र दीप कार्की छन्। अनन्त तामाङ, दिनेश राजबंशी, सुमन अर्याल, विक्रम लामा, विकाश खवास, मिकचेन तामाङ र छिरिङ गुरुङले नेपाली टोलीको रक्षापंक्ती सम्हाल्नेछन्।

मिडफिल्डरमा सुजल श्रेष्ठ, सुनिल बल, हेमन्त थापामगर, नितिन थापा, सेसेहाङ आमदाङम्बे र तेज तामाङ छनोट भए। विमल घर्तिमगर, अभिशेक रिजाल, रेजिन सुब्बा र अन्जन विष्टले नेपाली टोलीको अग्रपंक्ती सम्हाल्ने छन्।

१३ औँ साग आगामी १ देखि १० डिसेम्बरसम्म नेपालमा आयोजना हुँदै छ। नेपाल साग पुरुष फुटबलको साविक विजेता हो। सन् २०१६ मा आयोजित पछिल्लो सागमा नेपालले पुरुष फुटबलमा स्वर्ण जितेको हो। नेपालले साग पुरुष फुटबलमा २३ वर्षपछि स्वर्ण पदक जितेको थियो।

साग फुटबलमा यू-२३ राष्ट्रिय टोलीले प्रतिस्पर्धा गर्छ जसमा अधिकतम ३ जना ‘ओभर एज’खेलाडीलाई टोलीमा समावेश गर्न पाइन्छ।


सम्बन्धित शीर्षकहरु

खुल्ला पोस्ट