होलिमा रमाउदै कुलदिप कल्याण कोष परिवार … साथै दोस्रो साधारण सभा सम्पन्न ।

३ महिना अगाडि


मिति २०७८ चैत्र ०४ गते होलि पुर्णिमाको दिन कुलदिप कल्याण कोषले दोस्रो साधारणसभा सम्पन्न गर्यो । पाल्पाबाट चितवन बसाई सरेको २–४ जना पाल्पाली समूह मिलि आजभन्दा करिब ४ बर्ष अगाडि २०७४ ज्येष्ठ ८ गते बिधिवत रुपमा स्थापना भएको उक्त समुहमा आज २८ जना सदस्यहरु आबद्ध छन । सिमित ब्यक्तिको सतत प्रयाश बाट स्थापित यो समुहमा २८ घर परिवारलाई समेट्न सकेकोमा गर्व गर्नु हुन्छ संस्थाका अध्यक्ष्य श्री सैलेन्द्र कुमार राजल्वट ज्यु साथै आगामी दिनहरुमा पनि हामी यसरीनै एक जुटभै सहकार्य गर्न र संस्थाको उत्थान र बिकाशका लागी सबैले आ आफ्नो क्षेत्रबाट मन वचन र कर्मले संस्थाप्रती निष्ठा पुर्बक लागेमा निश्चयपनी हामी छोटो समयमानै अघि बढन सक्छौं र यस कुलदिप संस्थाले निश्चय पनि फड्को मार्ने छ भन्ने कुरामा संका छैन भन्नू भयो ।साथै संस्थाका बरिष्ठ उपाध्यक्ष श्री प्रबिन श्रेष्ठ ज्युले पनि स्वागत मन्तब्य दिदै यस संस्थाको उत्तरोत्तर प्रगतिको लागी सबै सदस्यहरुको उत्तिकै अहं भुमिका भएकोले सबै सदस्यहरुको तर्फबाट सकारात्मक सहकार्यको अवष्यकता औंल्याउनु भयो । त्यसै गरि पाल्पाली महिला समुहको तर्फबाट बर्तमान अध्यक्ष सुमि श्रेष्ठज्यूले पनि छोटो मन्तब्यमा आफ्नो भनाइ राख्दै हरेक कार्यक्रममा हामी महिलाहरुलाई पनि सहभागी गराएकोमा कृतज्ञता ब्यक्त गर्दै धन्यबाद दिनुभयो । साथै बार्षिक साधारण सभा जस्तो बृहत कार्यक्रममा पनि सम्पुर्ण सदस्यहरु शत प्रतिशत उपस्थिती हुन नसकेकोमा अलिकती खेद प्रकट गर्दै सकेसम्म सप्मुर्ण सदस्यहरुलाई अनिबार्य उपस्थितिको लागि पहल गर्नु पर्ने धारणा ब्यक्त गर्नुभयो । त्यसै गरि संस्थाका उपाध्यक्ष श्री श्याम श्रेष्ठ र कोषाध्यक्ष श्री राजकुमार श्रेष्ठज्यूले पनि आफ्नो मन्तब्य राख्दै छोटो समयमा सोचेको भन्दा धेरै उपलब्धी गर्न सकेकोमा सबैलाई धन्यबद दिदै आगामी दिनहरुमा निश्चय पनि हामिले यस कुलदिप संस्थाबाट नयाँ भिजन र सोंचका साथ अघि बढ्न सक्छौ, जसको लागी सम्पुर्ण सदस्यहरुको यस्तै खालको ऐक्यबद्धता हमेशा कायम रहनुपर्ने कुरामा जोड दिंदै सम्पुर्ण संस्थापक सदस्यहरुलाई स–सानो कुरामा न अल्झी संस्थागत रुपमा अघि बढन सुझाव दिनु भयो । र अन्त्यमा यसै संस्थाका संस्थापक सदस्य श्री येशु श्रेष्ठज्युले यो कुलदिप कल्याण कोषको स्थापना गर्ने भिजन र दुर दर्शिता भएको ब्यक्ति स्व. श्री रत्नकुमार राजल्वटज्यूलाई हामिले यस संस्थाको भिष्म पितामहको रुपमा श्रद्धाका साथ सम्मान गर्नुपर्दछ भन्दै वहाँको फोटो तथा प्रतिमा स्थापना गर्नु पर्ने कुरामा जोड दिनुभयो । साथै यस कुलदिप कल्याण कोषका दिवंगत संस्थापक सदस्यहरु श्री कृष्ण नारायण ह्योजु र श्री जनक नारायण ह्योजुको सम्झना गर्दै सम्मान स्वरुप १ मिनेट मौन धारण पनि गरिएको थियो ।


सम्बन्धित शीर्षकहरु

खुल्ला पोस्ट