नाजिर हुसेनको निर्देशनमा ‘कुरुप हाँस’

४ वर्ष अगाडि

नाटक ‘द अग्ली डकलिङ’ (कुरुप हाँस) वैशाख २८ गते शुक्रवारबाट मञ्चन सुरु भएको छ । अभिनेता नाजिर हुसेनको निर्देशन र अभिनय रहेको नाटक अनामनगरस्थित मण्डला नाटक घरमा नाटक मञ्चन भईरहेको छ ।

नाजिर सांगितिक नाटकको रूपमा यसलाई परिभाषित गर्छन् । डेनमार्कका लेखक ह्यान्स क्रिश्चियन यान्डरसनको ‘अग्ली डकलिङ’ कथामा आधारित नाटकको परिकल्पना नाजिरले गरेका हुन् ।

‘कुरुप हाँस’ भनिएको नाटकमा सेता हाँसहरुसँगै जन्मने कालो हाँसलाई आमा हाँसले गर्ने अपहेलना र विभेद देखाइन्छ। नाजिरले नाटकको परिकल्पना बारे भने,’कथामा जनावरलाई देखाइए पनि हाम्रो समाजको मान्छेमै रुप र रङ्लाई लिएर हुने विभेदले मलाई छोयो र यो नाटक गर्न मन लाग्यो।’

नाटकको वैशाख २८ गतेबाट मञ्चन शुरु  भईरहेको छ । सांगीतिक नाटकमा कलाकारहरु नाजिर हुसेन, मिलन कार्की, बिनिता गुरुङ, किरण श्रेष्ठ, विक्रम श्रेष्ठ, विजया कार्कीको अभिनय रहेको छ। नाटक जेठ २० गतेसम्म मञ्चन हुनेछ।

---

सम्बन्धित शीर्षकहरु