पछिल्ला वर्षमा घरेलु तथा साना उद्योगमा १७ अर्ब लगानीे

भदौ १, २०७३

साउन ३१, काठमाडौं : पछिल्ला पाँच वर्षमा घरेलु तथा साना उद्योगमा लगानी बढेको छ । ठूला उद्योगको तुलनामा छिटो प्रतिफल पाउन सकिने तथा थोरै पूर्वाधारमै काम गर्न सकिने भएकोले यस्ता उद्योगमा लगानी बढेको हो । घरेलु उद्योग स्थापनाका लागि कम जमिन भए पुग्ने र दक्ष जनशक्ति र प्रविधिका कारण धेरै कर्मचारी राख्नुपर्ने अवस्थासमेत नरहने भएकाले यस क्षेत्रमा आकर्षण बढ्दो क्रममा रहेको व्यवसायीहरू बताउँछन् ।

DOKO-DALOआर्थिक वर्ष ०६८/६९ मा घरेलु तथा साना उद्योगमा ५ अर्ब ६ करोड रुपैयाँ लगानी भएकोमा आव ०७२/७३ सम्म आइपुग्दा १७ अर्ब ८ करोड रुपैयाँ लगानी पुगेको घरेलु तथा साना उद्योग विभागले जनाएको छ । छोटो समयमै प्रतिफल प्राप्त हुने तथा कम लगानीमा पनि सञ्चालन गर्न सकिने भएकाले घरेलु तथा साना उद्योगमा लगानी आकर्षित भएको सरोकारवालाहरू बताउँछन् ।

विभागका निर्देशक विष्णुप्रसाद ज्ञवालीले छोटो समयमा नै प्रतिफल पाइनुका साथै घर–परिवारसँगै बसेर उद्योग सञ्चालन गर्न सकिने भएकाले यस्ता उद्योगहरूमा लगानी बढ्दै गएको बताउँछन् ।

“कम पुँजीमा नै उद्योग सञ्चालन गर्न सकिने भएकाले घरेलु तथा साना उद्योगप्रतिको आकर्षण बढ्दो छ,” ज्ञवालीले भने, “विदेशमा गरिने चुनौतीपूर्ण कामभन्दा नेपालमै साना उद्योग व्यवसायबाट मनग्गे पैसा कमाउने भएकाले लगानी बढेको हो ।” साना उद्योगहरूलाई दिएको अनुदान तथा कम सहुलियतमा दिइने ब्याजले पनि साना उद्योगहरूमा लगानी बढाउन मद्दत गरेको उनले बताए ।

विभागको तथ्यांकमा पनि यस्ता उद्योगले रोजगारीमा समेत उल्लेख्य योगदान पु¥याएको देखिन्छ । आव ०७१/७२ मा ४४६ उद्योगबाट २२ हजार ७८५ जनाले रोजगारी पाएका छन् । गत आर्थिक वर्ष ४१० उद्योगमार्फत १८ हजार ९६० जनाले मात्र रोजगारी पाएका छन् ।


सम्बन्धित शीर्षकहरु

खुल्ला पोस्ट

समाज सेविलाई सम्मान :

पुर्व उपप्रधानमन्त्री तथा गृह मन्त्री बामदेव गाैतम र पुर्ब उपराष्ट्रपति परमानन्द झा द्वारा सम्मान तथा मायाको

एउटा नयाँ अभियान, जसले देशको अखण्डता र स्वाभिमा बचाउन सक्छ …….”Call to Government of India”

नेपालको खस्कंदो राजनितिक अवस्था, राजनितिक दलहरुको मनपरि निर्णय, भ्रष्टाचारमा लिप्त सरकारका बिभिन्न पदाधिकारीहरु, कीं कर्तब्य बिमुढको