बजारमा आउनुअघि नै शोभाको “शङ्का” चर्चामा, उनी भन्छिन् : ढुक्क हुनुहोस्, शङ्का नगरिदिनुस्

६ वर्ष अगाडि

सांगीतीक क्षेत्रमा उदाउँदै गरेकी एक नवगायिका हुन् शोभा पाण्डे । सुमधुर स्वरकी धनी शोभाले बजारमा “शङ्का”  लिएर आउने तयारीमा छिन् । उनको यो एल्वम यतिबेला बजारमा नआउँदै चर्चामा छ । यससम्बन्धी उहाँसँग हाम्रा सहकर्मी अनु अर्पण घिमिरेले गरेको कुराकानी :

कुन ठाउँमा जन्मिनु भयो ?

– रुपन्देहिको देबदह भन्ने ठाउँमा |

हाल के मा व्यस्त हुनुहुन्छ ?

– पढाइसँगै संगीत अनी नयाँ एल्बम ‘शङ्का’ को तयारीमा छु |

शङ्कामा कती वटा गीत समाबेश छन् ?

– ५ वटा गीत छन् |

कस्ता कस्ता गीत छन् ?

– ५ वटा मध्य तीन वटा आधुनिक गीत र दुई वटा गजल छन् |

शब्द अनी संगीत कस्को छ शङ्कामा ?

– शब्द कृष्णहरी बराल सरको अनी संगीत गैरे शुरेशको |

संगीतमा कहिलेबाट लाग्नु भो ?

संगीत त मेरो जीवनको एउटा अंगै हो भन्दा फरक नपर्ला,  म सानै बाट गाउँथे तर सोलो एल्बम चाहीँ पहिलो हो यो “शङ्का” |

संगीतको अवस्था आर्थिक हिसाबले नाजुक छ् भन्छन, तर पहिलो पटकमै पाँच वटा गीत गजल समाबेश गरेर सांगितिक क्षेत्रमा उदाउनु भएको छ ?

– श्रोता दर्शकले राम्रो लाई माया गर्नुहुन्छ | यसमा कृष्णहरी बरालको दम्दार शब्द छ । त्यसमाथि गैरे शुरेशको त्यस्तै छ । अनी स्वरमा मैले न्याय गरेकी हुनाले ढुक्क छु मन पराउनुहुनेछ र माया दिनुहुनेछ भन्ने कुरामा|

अहिले दर्शकहरु चुज्जी हुनुभएको छ तसर्थ शङ्काबाट के पाउनुहुनेछ ?

– हरेक चिजमा नयाँ स्वाद पाउनुहुनेछ | साँचो माया गर्दागर्दै पनि शङ्का गर्दा कस्तो अवस्था सिर्जना हुन्छ भनेर प्रस्ट्याइएको छ यो एल्बममा ।

कहिले आइपुग्छ बजारमा शङ्का ?

– हामीले लगभग सबै काम सकिसकेका छौँ, यही असोज ताका आउँछ बजारमा |

अन्तीममा के भन्न चाहनुहुन्छ ?

– अब चाँडै आउँदैछ शङ्का | तपाईं चाहीँ ढुक्क हुनुहोस् । शङ्का नगरिदिनुस् । कस्तो चाहीँ होला भनेर एक पटक सुनेर सल्लाह सुझाव दिनुहोला । मेरो पहिलो प्रयास माया गरिदिनुस् । आगामी दिनमा अझ यो भन्दा राम्रो ल्याउनेछु । तपाईंहरुको माया र साथ दिनुहोला भन्न चाहन्छु |

 

---

सम्बन्धित शीर्षकहरु